ديوان ريحانه القسم الثاني

 

 

                   قصيدة: «شللي بنظرهه»

 متبـــــــريّ منها العيـــــــــــن

 لومــــــــــــا بجت لحسيـــــن

                    شللـــــــــــي بنظــــــــــرهه  

لو دمعــــــــــي دم ايصيــــــر

اخجل وحـــــــــس تقصيـــــر

                 ويحــــل عـــــــــــــــذرهه

لو دمعي فاض ابحـــور         والمسره بشـــراع

لو دمنه صار انـــــــذور       ويغرك الكـــــاع

لا والصمــــد والطــــور    ودموع الـــــوداع

تبكه انته رحمه ونـــور               واليهوه مــا ضـاع

لو كل شبر تفجيـــــر

نار وجثثهه اتطيــــــر

نمشي علـه اثرهه

لو دمعــي دم ايصيـــر

اخجل وحـس تقصيـر

ويحــــل عــذرهه

       عين التشـح دمعــــات       متبـرّي منهـــــه

       من تكطع العبــــــرات    وي عميه لنهــه

يحسين الك جمــرات        بضلوعي جنهــه

       ننسه الحــزن هيهــات      لا بدَّ منهــــــــه

حفرو حقدهم بيـــر

فتوه وظلم تهجيــــر

وشتـــد غدرهــه

لو دمعــي دم ايصيـر

اخجل وحـس تقصير

ويحــل عــذرهه

        لو دمعي صــار اسيول           ماتطفي نـــاري

        تسري ولهبهه ايطــول           بضلوعي ساري

       خل اليكول يكــــــول       حبكــــم قراري

       والفضل طوك احجول         ليلــــي ونهاري

ونّ بسماهه الطيـــــــر

انتم هدايه وخيــــــــر

برهــه وبحرهـــه

لو دمعــي دم ايصيــــر

اخجل وحـس تقصيـــر

ويحــــل عــذرهه

بيك استقام الديــــن       وي ومض السيوف

صوت اليصيح حسيـن     هم يعرف الخوف؟

خل تبجي دم العيــن      خلي تعمي الشوف

مثلك عطاشه اسنيــن      وبكربله انطــــوف

سر وعدونه ايحيـــر

ما الهه كل تفسيــــر

بـــس انتــه سرهـه

لو دمعــي دم ايصيـر

اخجل وحـس تقصير

ويحــــل عــذرهه

  مو بالدمع ينقــــــــاس        شوك اليواليــــك

  حته الطبـر بالـــــراس       ما ظن يجازيـــك

  ولا نوفي العبـــــــاس      مثله اليوافيـــــك

  ظلمة وصرت نبـراس          درب اليشع بيــك

دنيه وفلكهه ايديــر

للباري بي تقديــــر

نرضــــــه بقدرهه

لو دمعــي دم ايصيـر

اخجل وحـس تقصير

ويحـــل عــذرهه

دمعك شفه المــــالوم           كل كطرة بلســم

شوكك يزيح همـــوم           لــو جلجل الهـم 

يـا سيدي المظـــــلوم             يلفزت بالـــــــدم

صــوت انته للمحروم            وجروحه تلتلـــم

بحساسي الك تصوير

نور عله ارضهه ايديـر

شمس وكمرهه

لو دمعــي دم ايصيـر

اخجل وحـس تقصير

ويحــل عــذرهه

 

سيبقى قدر الشيعة انها نشيد الحياة الكريمة رغم إن كربلائها في وطني كل يوم !!

قصيدة: «ما سلوناك»

ما سلَوناكَ فُؤادي			يا حُسينْ
كربلاءٌ في بِلادي			كلَّ حِينْ
	كُلّ يَومٍ كربلاءْ في بِلاَديّ وَعزاءْ خُذ حَبيبي مَاتشاءْ
نَبقى للطّفِّ نُنَادي			عاشقينْ
كرْبلاءٌٌ في بِلادي			كُلّ حِين

مَرّت إسنين وهوانه
		ينبض ابنصّ الگلوب
وارتوه العهد بدمانه
		يا شفيع من الذنوب
يا حبيب المانسانه
		وحنه عنّك ما نتوب
	كُلُّ شبرٍ فيهِ نجوىْ لِمُحبٍّ فيكَ يهوى يا حسينٌ أنت أقوى
من جراحاتِ الأعادي				الناصبينْ
كرْبلاءٌ في بِلادي				كُلّ حِين

علَّمتنه اللاّء ثوره
		تنسگي بدمّ العقيده
وعلَّمتنه الظلم جَمْره
		تحرگ الباغي وعبيده
ما يوافي اللّطم صدره
		ولا توافيك القصيده
	أَينَ شِمرٌ و يَزيدْ؟ أَينَ هُم نسلُ العبيدْ؟ عادوا حِقداً مِنْ جَديدْ
إنّها ذات أَيادي				المارقين
كربلاءٌ في بلادي				كلَّ حِين

 

إطلع وشوف الصفوف
		وشوف زوّارك تفوج
موجه لو رادت تطوف
		بحر هادر من يموج
ولله ما نخشى الحتوف
		وَسْرجَت ليك السروج
	كَيفَ لا يبنَ البَتُولْ في غَدٍ ماذا نقولْ؟ بَلْ نُعاديهِ العَذُولْ
فَجرَّوا قُبّةَ الهادي				أيُّ دين؟
كرْبلاءٌ في بِلادي				كُلَّ حِين

 

 

دمَّك الخضَّر اكنوز
		وشيعتك ناطور صارت
يا رمز كلّ الرموز
		ونته صوت البيه ثارت
دم عله السيف اليفوز
		منهو مثلك گبل نالت
	هُوَ ذاكَ السَقفِ سِرّاً هُوَ ذاكَ الضِلعِ كسراً قد طَواناَ الظُلمُ دَهراً
واحْتبسْنا للمَعادِ				في العرين
كرْبلاءٌ في بِلادي				كُلَّ حِين

واجب انزكّي الدموع
		يا قتيل العبرات
وهاي نار البضلوع
		ما يطفيّهه الفرات
انته للمحتمي ادروع
		ونته سفّان النجاة
	قالَها فخرُُ الأَنامْ يا إِماماً مِن إمامْ في قُعودٍ و قيامْ
سادَتي عَينُ المرادِ				واليَقين
كرْبلاءٌ في بِلادي				كُلَّ حِِين

 

 

قصيدة ((إلمن هاي الراية))

إلمن هاي الراية اترفرف؟
	هاي الرايه بحب احسين
إلمن هاي ازحوف التزحف؟
	هاي الشيعه النصر الدين

شاب وكهل وطفل وشايب
	لحسين اتهرول گصّاده
طفل ابمهده واعمه وعايب
	متعنيه الزوار ابياده
ابدمعه اتعزي الحجه الغايب
	كلمن يطلب منّه امراده
لا حرّاس ولا ظل حاجب
	والشيعي اتحرّر ببلاده
الچان ايزورك گطعوله الچف
	اشلاء احنه ومتعنّين
إلمن هاي ازحوف التزحف
	هاي الشيعه النصر الدين

اتعنّينه وبسم الله انسمّي
	لا تفجير وعَبْوَه التمنع
والناصب خل يهدر دمّي
	حسباله ايخوَّفنه ونرجع
غلطان ومتوهم عمّي
	هذا احسين وجدّه اليشفع
هذا الشدّة يحلها وهمّي
	هذا الضحّه ويسوه المدمع
چف الناصب لو دگ بالدف
	ما يخفي اشموس السبطين
إلمن هاي ازحوف التزحف؟؟
	هاي الشيعة النصر الدين

ارهاب الناصب ما خَوّفنه
	ولا غيم اليحجب عن شمسه
نورك ضوّاهه وبيه شفنه
	عيون العميت شافت هَسَّه
يا كنز الدنيه المايفنه
	تفنه الدنيه وحبّك مرسه
خيّطنه اجروح ومارفنه
	اجروحك مشعل للماينسه
بحرك يحسين الماينشف
	ماله احدود من الصوبين
إلمن هاي ازحوف التزحف؟
	هاي الشيعة النصر الدين

فوگ العَلْيه إترفّ الرايه
	وحسين ابدمنه المكتوب
ولطفَّك تمشي المشّايه
	ابنار الشوگ اشموع اتذوب
موش إجدام الجت عنّايه
	هاي الجتَّك تمشي اگلوب
كلها اتلوذ بهاي الصايه
	وبحسين ايلوذ المطلوب
ويّانه اجنود الله بكل صف
	إتسبّح لله وي الماشين
إلمن هاي ازحوف التزحف؟
	هاي الشيعه النصر الدين

الدمعه اتجاوب وي كل خطوه
	وكل خطوه انصيح ابكل صوت
ما يروه الباطل ما يروه
	ويشرب من دم الطاغوت
احسين الماي وحبك دلوه
	ابچف الماي ايغصّ الموت
الما طاف ابشوگه وما يهوه
	ابغير اشواگه ايظل تابوت
الشيعه ازحوف اتعنّت للطف
	تهتف وي رمشة كل عين
إلمن هاي ازحوف التزحف
	هاي الشيعه النصر الدين

 

اسم كالزلزله

قصيدة ((العباس))

طبْ حيد الحيود ونعِم
	عباس وسمك زلزله
خَلاّهه طشّاره الزلم
	ويصيح وينچ كربله

طبْهه وجدح نار الغضب
	والعين محتَدَّه صگر
والروس سوّاهه حطب
	تدهده من فوگ الشگر
خلَّه العجب منها العجب
	ذكَّرهم ابصولة بدر
مالذْلَه ماي ولا شرب
	عفَّت الروح ولا گدر
طشّشّهه من هَزّ العلم
	وينادي للموت بهله
خَلاّهه طشّاره الزلم
	ويصيح وينچ كربله

طبْهه وگلبهه ولا رجف
	زلزال طبّ المشرعه
ابوجهه ما واحد وگف
	وشحدّه يدنه الصومعه
هذا المجد وابن الشرف
	هذا ابن زاچي ابمرضعه
ام البنين امه التزف
	قربان لحسين اربعه
لا والذي خط بالقلم
	بجفوفي افدي العايله
خلاهه طشاره الزلم
	ويصيح وينچ كربله

صال ويهد برق ورعد
	گال انه سبع الگنطره
هاليوم ابيدنهه بدد
	والحومه طبهه حيدره
انه الشبل وبن الاسد
	كل قاصي والداني دره
لحسين وفّاي الوعد
	واليوم اسوي الماجره
منذور اسمي لها الاسم
	لحسين اظمّ المرجله
خلاهه طشاره الزلم
	ويصيح وينچ كربله

بالخوّه مثلك ما يصح
	سوّيت للخوه مثل
والدنيه من بعدك تشح
	ما تنجب الحُرّه بطل
يا بلسم الداوه الجرح
	بالريح من مثلك جبل
انطيت روحك للذبح
	وفيّت يا نِعم الاصل
موصوف بالحرب وسلم
	بالكون ما ظن ثاني له
خلاهه طشاره الزلم
	ويصيح وينچ كربله

عبّاس عنوان الوفه
	ومذخور للعازه وجت
والچان يحسبله لفه
	وايام الموافه لفت
والخابط ابچفه صفه
	عباس لو طبهه صفت
گطَّع اچفوفه ولا جفه
	حد النواظر من طفت
بسكرات المنازع يهم
	بحسين وسكينه وهله
خلاهه طشاره الزلم
	ويصيح وينچ كربله

زهيري قصيدة ((الامام الرضا)) ×

مضنوك گلب الگصد عَنّاي وِردَك     يَردِ
وليحدي صوب الرضا مسرور خاطر     يرِد
ما أملك بحبّكم غير عله جلدي     يرِد

متعنّي عاني وهِمْ ما بين وادي     ويبَل
تبله النواصب ولا گلب اليوالي     يبَل
من كوثر الطاهره خشبه وچبدنه      يبَل
من جودكم يرتوي وچفّ الرضا ما يـرِد

 

قصيدة  ((ثامن الأقمار))

يا ثامن الأقمار...
	جيتك زحف للدار...
		جينه لغريب الطوس...
نشكيلك من الصار...
	عَبّادة الدولار...
		والباعو الناموس...

بسم العلي الرحمن نتسمّه ونگوم
نطوي الفيافي ابشوگ للرضا المعصوم
ننزع اثياب السود ونصفّي الهموم
عنوانه شط الجود للگلبه محروم
ينطي اليطلبه امراد ماردله مهضوم
إفرح ترد مسرور يا زاير اليوم

يا قبلة الأَنظار..
	جينه ابگلب محتار
		مو عالجدم عَالروس

يا ثامن الأَقمار
	جيتك زحف للدار
		جينه الغريب الطوس

جينه ودمعنه ايفيض وتعثّر الشوف
يلسمّك اكثر چان من طبر السيوف
شحالك يبو الحاجات لو شفت الطفوف
وشفت الگمر من طاح ومگطَّعْ إچفوف
والشيعه وي عاشور الجدّگ ازحوف
لا عَبْوَه ردهه وموت لا ردهه كل خوف

مثل الحطب والنار
	البينه منهم صار
		والصبر حَدّ الموس

يا ثامن الأَقمار
	جيتك زحف للدار
		جينه الغريب الطوس

كالو يبو الحاجات للطلبه مذخور
جينه عله جنح الشوگ نتسابگ اطيور
نگطع إجبال اجبال ونعَدّي السور
نور عله نور اللاّح للمجبل اينور
ونفتح گلبه الشاف والمعتني ايزور
والوصل رد فرحان لدياره مسرور

نتعنّه بالأسفار
	نتحمَّل الأَخطار
		جُودك بحر موطوس

يا ثامن الأَقمار
	جيتك زحف للدار
		جينه الغريب الطوس

غربه وغريب الدار بيهه انته ظلَّيت
كوكب تشع انوار للشيعة ضوّيت
گوَّه عله وكت الجور من رادو انطيت
لا ردت جاه بهاي لا دوّرت صِيت
ع العهد ظل مسراك من منهج البيت
لمّن سگاك اسموم چفّ الطواغيت

من جَدَّك الكرار
	تتعنَّه لك زوّار
		يا شمس الشموس

ج

يا ثامن الأَقمار
	جيتك زحف للدار
		جينه الغريب الطوس

صافي بصفاة الماي نيتّنه تحدي
ولمشهد المعصوم ليمامي گصدي
شدَّينه وزر الآه والجرح يدّي
جينه ونمشيّ اعليك غيبة المهدي
كُون البگه من الضيم يلْرضا ايعدّي
وكُون عله كل مضنوك بالحاجه تبدي

من ديرة الأَطهار
	الحضرتك خطّار
		وعله اليضدنه اندوس

يا ثامن الأَقمار
	جيتك زحف للدار
		جينه الغريب الطوس

 

زهيري قصيدة ((صاح القاسم))

 

جاسم سليل الحسن والله ونعم جاسمه

ابن الذي مغدور من جعــدته  جاسمه

شال ويه عمه الحمل هم الصبر    جاسمه

حنيت جف الوفه وخضاب عرسك   يحن

ياجاسم اعله العهد وعد ويه عمك    يحن

يوم اللكدت المهر وحسيــن ون         ويحن

 سيفك ينشف الدمع ظهر العدو    جاسمه
               

صاح القاسم

صَبَّت دمعه
اطفي الشمعه
وصاح القاسم عمي احسين
يبن البضعه
اليوم الفزعه
وعرسي الموت بنصر الدين

صاح القاسم تخسه الدنيه
	ابغير احسين الدنيه امظلمه
احسين العِزّ وتاج العليه
	احسين النور ودربه النجمه
احسين اشموس الفوگ امعليه
	ومنهو المثلي الزود بعمه
هاي الجنه اثمار امدليه
	وخيعون الزفوه ابدمه

لا والسبعه
اتضيج الوسعه
ونوافي بعهد السبطين
يبن البضعه
اليوم الفزعه
وعرسي الموت بنصر الدين

گال انه المذخور العمّي
	وعمي أوحيد ابنار الغربه
وصّاني الوالد ويّ أمّي
	گالو عمَّك ومشي ابدربه
اتوكّل ع الرحمن وسمّي
	طُبّ الحومه وغيضك صُبَّه
تاج الراس احسين وهمّي
	عظمي ولحمي ابداره اتربّه

احسين ايسمعه
بحسره ايودعه
يبن الغالي ونور العين
يبن البضعه
اليوم الفزعه
وعرسي الموت ابنصر الدين

يبني القاسم نادت رمله
	اليوم ابدمك حنيت الچف
خلهه اتهلهل يبني النبله
	وخلي الزفه اتصير وي الطف
يبني المايل كون اتعدله
	وهنياله وي احسين الينزف
صد احسين وجاسم صدله
	والمدمع سال وما ينشف

صافي ابنبعه
تنور الطلعه
ومزكه ابنور الجدّين
يبن البضعه
اليوم الفزعه
وعرسي الموت ابنصر الدين

طبهه ابن المفطوم اعله السم
	طبهه ابن المغدور بجعده
راس براس الظلت تردم
	يا هو اليدنه ومنهو شحدَّه
سيفه السيل الغطهه ويهدم
	فگر الحيد الراد ايصدَّه
من حيدر وارثهه ويجسم
	طبرات المشهوده بجدَّه

حيد بطبعه
ايشد ابشسعه
ولا خاف ابنص الجيشين
يبن البضعه
اليوم الفزعه
وعرسي الموت بنصر الدين

طاح الضنوه وصاح اتعذّر
	منك عمي وعذري الموت
لوله الموت وگطع المنحر
	لبيك انصيح ابكل صوت
ضليت اوحيد بها العسكر
	الله ايعينك ع الطاغوت
جاسم يبني الموعد حيدر
	يسگيك ابكاسه المنعوت

ارماح بضلعه
العدَّن درعه
ومخضب حنّه الچفّين
يبن البضعه
اليوم الفزعه
وعرسي الموت بنصر الدين

 

قصيدة ((وا عجبي))

عَجَبـــي واعَجَبــي

نَحروا سِبطَ النَبي

عَجَبــــي الفُلْـــكَ يـــــــدور

عَجَبـــي واعَجَبــي

زينبٌ رَهنَ السَبي

كيفَ لاتُحيــــا القُبُـــــــــور

لــو دعــه احسيـــن بمحيــــــــــها
	جان ما ظلّت حياة
ولوله دمّ حسين ما ظل
	لا صيام ولا صلاة
هم شفت مظلوم يدعو
	يالهي اهدي الطغاة

يــــلتمس لجيــــــوش أُميـّـــــــــه
	بالدمع درب النجاة

كاظِمٌ للغَضَبِ

حابــسٌ ما في الصُــــــــدور

عجبــــــــــي واعجبــــــــي

عَجَبــــي الفُلْـــكَ يـــــــَدور

منـــهـــــد آدم والخـــــليــــقـــــه
	تبكه حد يوم الحساب
كربلا حدّ للمصيبه
	كربله وأم العجاب
من مثل دين ابن اميه
	يمزق احروف الكتاب

احســــــــين قـــــــــرآن النبـــــوّه
	احسين يا سيد الشباب

هاشميٌ يثربي

صادقُ الوعــــــــدِ صَبـــــور

عجبـــــــــــي واعجبــــــــي

عَجَبــــــي الفُلْـــكَ يـــــدور

الله رب الكـــــــــــــــون كلـــــــه
	خالق اجرام وكواكب
ونتجب طه عله دينه
	وبعلي صّفه المذاهب
خلق من بضعة محمد
	تسعه من نبع المشارب

خلـــــق جنــــــــــــــه لليوالـــــي
	ونار سوده للنواصب

كيفَ لا.. وَمَذْهَبي

من كتـــــــــابِ اللهِ نــُـــــور

عجبـــــــــــي واعجبــــــــي

عَجَبــــي الفُلْـــكَ يـــــــدور

أيـــــة التكويـــــــــر حـــَـــــــلّت
	والغضب حل من سماهه
والنجوم بليل غارت
	والشمس كوّر ضواهه
وخيط من نار الحطيمه
	لاحت الدنيه بسناهه

وما جت الدنيه عله غيـــــــــــــض
	وريح صرصر من دهاهه

دِيــــنُ مَنْ .. للناصـــــبـــي؟

يـبن مِيـــــراث الفُجــــــــور

عَجَبـــــــــــي واعَجَبــــــــي

عَجَبــــي الفُلْـــكَ يـــــــدور

لطـــــــف بــــارينه عله خلقـــــــه
	وجان حل يوم القيامه
خضّبو بالدم لحيته
	هذا ابن نبع الامامه
هذا ابن نور البشير
	شلون مسلوب العمامه

لا جـــــــن التدبيـــــر الهــــــــــي
	والعدل أوّل أحكامه

دِينُ جدّي وأبي

هَدَموا للدّيـــــنِ سُــــــــــور

عجبـــــــــــي واعجبــــــــي

عَجَبــــي الفُلْـــكَ يـــــــدور

 

  قصيدة ((سموني حُسيني))

همت بيك وصحت يحسين
	سمّوني حُسيني
بعت روحي وشريت الدين
	سموني حسيني
بِسْمَك من يسمّون
صحت يحسين مجنون
بيّه شما يلومون		يترسَّخ يقيني

يظل يحسين حبّك طوگ
	نتوارث اديونه
وخيعون اليجنّه الشوگ
	ويهيم بجنونه
حِزِنّه عليك حزن النوگ
	نتباره ابفنونه
ثوب اسود علينه ايلوگ
	نتفاخر ابلونه
اسنين شما تمر اسنين
	ما توفي اسنيني
همت بيك وصحت يحسين
	سمّوني حُسيني

وَسَم فوگ الظَهر خَلَّيت
	من دگ الزناجيل
وطبرت الهام ما بگّيت
	بچيّت الأَبابيل
بعدني ولا گلت وفَّيت
	لليفداه جبريل
هذا الشوگ لهل البيت
	نحييه بتراتيل
نوالي العتره والسبطين
	والضحّه عله ديني
همت بيك وصحت يحسين
	سمّوني حُسيني

من هزّ المهد رضعان
	بگماط الطفوله
تلولي اُمنه عله العطشان
	ويبچي التگوله
كُبرت انته وعظيم الشان
	من شان البطوله
عشگناك وعشِگنه الوان
	هالنحدي ابذلوله
الك من نگطع الچفّين
	يسراي ويميني
همت بيك وصحت يحسين
	سمّوني حُسيني

خسر دينه وخسر دنياه
	يحسين اليعاديك
يعض چفّه ويصيح أحّاه
	كلمن ما يواليك
اليوالي احسين واله الله
	وبوعده يجازيك
ومن حُفر النگر علاّه
	ويفوز بمعاليك
دَين شما افكّ الدين
	تتجدد اديوني
همت بيك وصحت يحسين
	سمّوني حُسيني

إخذ دمع البيابي اتفيض
	ونقصّر بلدموع
ولو نطبگ شتانه وگيظ
	ونذوب وي الشموع
ما نوفي السيوف البيض
	الحَزّن بلضلوع
من صبرك كتمنه الغيض
	للناصبي ادروع
أَنه بدمعي لطفيّ العين
	وعميهن اعيوني
همت بيك وصحت يحسين
	سمّوني حُسيني

 

 

 

قصيدة ((المسير))

إِنّي أَدْمَنتُ المَسَيرْ
لكَ شَوقٌ يا أَميرْ
تُربَــــةٌ فيها الــدَواءْ
يــــا حُسينٌ وشِفــاءْ
لَيتَ لِي جِنحٌ أَطيرْ

سيدي تلكّه الزحوف

الشيعه جتك للطفوف

اصفوف لو زاحت اصفوف

اعيون كل ناصب تشوف

كربلاءٌ في ضميــري

هي نبضٌ ياأميـــري

ليتَ لي ذات المَصيرْ

ليت لي جحٌ اطير

حكهه زوارك تهيم

وليك تكصد يا كريم

شيوخ واطفال وحريم

خطوه للباري العليم

لا تَســلْ فينا السؤال

حُبــنا فاقَ الخيــال

كل بيتٍ بالنفير

ليـــــت لـــــي جنـــــحٌ اطيــــــر

من مشه ولحسين زاره

عوّض أيام الخساره

رُبح وتزيد التجاره

وبالكبر ينطر ابشاره

كيــفَ لا يَبنَ السماء

فيـــكَ مقبول الدُعاء

انه الربحُ الوفير

ليـــــت لـــــي جّنـــــحٌ اطيــــــر

 

جينه مشايه ننادي

ترفرف اعلام السوادي

ياحسين احفظ بلادي

من النواصب والاعادي

نحنُ جِئِناك جَهــارى

نحنُ في العِشقِ اسارى

يَقدحُ الكفُ عبير

ليـــــت لـــــي جّنـــــحٌ اطيــــــر

جينه مشايه نوافي

نطوي لحسين الفيافي

حصّته النار اليجافي

اصحه يل بالظلم غافي

يأتي مَسلُوب الرِداء

كلُ مَنْ خان الـولاء

منذ ان كان الغدير

ليـــــت لـــــي جّنـــــحٌ اطيــــــر

انت بيبان السعاده

وحبكم افروض العباده

ياخذ اليكصد امرادة

وفاز من نال الشهاده

نُبدي شوقاً لا نُبــالي

قد سما صبرُ الليـالي

بعد ما قلّ النصير

ليـــــت لـــــي جّنـــــحٌ اطيــــــر

راحت ايام المذلّه

والصبر بالثُمر دَلّه

علّه ونزاحت العلّه

وجبنه شوك العمر كلّه

قدْ فُطِمنا في الغــرام

للإمام ابنُ الإمــــام

مُبصرٌ فِيكَ الضَرير

ليـــــتَ لـــــي جّنـــــحٌ اطيــــــر

             

               قصيدة ((شبيه المصطفى))

في الثَرى نَحْرٌ يُناديً
خيرُ مَن يَشْبهُ الهادي
	ياأبي منّي السَلام
مُذ هَوى للتُربِ خَدّي
قَدْ سقاني الكأسَ جَدّيً
	وارتويتُ مِن صِيام

نادى الاكبر يـــــا حبيبيي
	احسين يـــا بويه الوداع
وداعة الله يلغريب
	ننتظر جيتك ابســــــاع
يبني ع الدنية عفاهه
	من حظن خدّك الكاع
((وَجَبَ الشُكرُ عَلَينا
	ما دعا للهِ داعْ))

قد سُقيتَ الكــــــــأسُ وِردا

عَذِبُ المَنهـــــــــــــلِ شَهدا

مُذْ هــــــــوى بـــــدر التمام

يا أبــــــي مني الســـــــــلام

هرول احسين عله الأكبــــر
	راح من أيــــدي الشفيـــه
وداعة الله وياك يبني
	راضــي بمــــر الله عليــــه
هذا من عهد السقيفه
	ونفجر بالغاضريه
والهدف نسل الامامه
	ولا تظل انّه بقيه

كَيف شمسُ اللهِ تُجــــــــلى

وبطُون الصبــــــــرِ حُبــــلى

ولنا مِسـْـــــــك الختـــــــــام

يا أبــــــي مني الســـــــــلام

فــــوك تربـــــان البريــــــه
	اشبـــــه الناس بنبيـــــــــها
مطبّر بسيف ابن اميّه
	وبالحقـــد نحرو شبيـــــها
هذا من يوم الغدير
	التوجَو حيدر عليها
مو عجيبه اليوم الاكبر
	ينسفك دمه بديها

يبن هنــــــدٍ والبغــــــــــــايا

فينا ارتـــــالُ المَنـــــــــــــايا

وشمــــــوسٌ لا تُضـــــــــام

يا أبــــــي مني الســـــــــلام

شربه من كــــــاس الرسول
	وعذب من كوثــــر جنانه
وألذ من ماي الحياة
	وماي ذّله البيــــه مهانـــــه
شفت طه وجّدي حيدر
	وفاطمه التبجي بعزانه
والحسن ينطر القاسم
	ما حظه ابفرصةزمانه

قَطعوا النَســـــلَ جِهـــــــــارا

من غديـــــرِ الخمّ ثـــــــــارا

مِن شهيــــــــدٍ للأمــــــــــام

يا أبــــــي مني الســـــــــلام

ادعي لبنج كومـــــــــي ليله
	بكر ابن غـــانم برزلـــــــه
اليعِدّ بألف فارس
	وألف حسبه التنحسبلـــــه
نادت بغربة احسين
	يالهي اتعين شبله
ولن الاكبر جاب راسه
	يريد ماي الريجه وشله

كأسُ مِنْ جدّك الاوفــــــى

من جــــروحِ الهمِّ تشـــــفى

نَشكــــــوا لله اللِئــــــــــــام

يا ابــــــي مني الســـــــــلام

 

قباب الحسين منظر من بعيد يؤسر القلوب ويوجب الخشوع

قصيدة ((لو شفنه گبتَك))

من بعد لو شفنه گبتك
	يَرْكعُ الوجْدُ خُشوعْ
من تمر عل البال قصتك
	ينطقُ الصمتُ دمُوعْ

شما تمر بينه الليالي
	انعيش قصتك من جديد
نكتشف توهه المصيبه
	وبالقصر عايش يزيد
والشمر بدَّل اهدومه
	وحنه جددنه الوريد
والذبح بحزام صاير
	حته موتانه تزيد
وَنَّت الشيعه عله ونتك
	لا يُدانيها الهجُوعْ
من بعد لو شفنه گبتك
	يركعُ الوجدُ خُشوعْ

من نصيح احسين بسمك
	بالگلب خشعه التصير
وتعتلك بينه المشاعر
	والنبض دمه يحير
وبينه تتكسر العبره
	وع الجنح لهفه التطير
يا اميري يا حسين
	سيدي ونعم الامير
كوثر الجنات جنتك
	وشموسٌ في طُلوعْ
من بعد لو شفنه گبتك
	يركُع الوجُد خُشوعْ

من يمر عالعين رسمك
	كربله اتزور العيون
ينفجر حزن الطفوف
	وما يظل للصبر لون
انهيم بحزان الفجيعه
	وعمر حزنك ما يهون
قصتك ما الهه ثاني
	قصتك ثاية الكون
والسبايه من اهل بيتك
	ظَلّ كسراً في الضلوعْ
من بعد لو شفنه گبتك
	يركُع الوجُد خُشوعْ

من نشوف انوار گبتك
	گلبي هام بلا شعور
وِدَّه ما يمشي عله جدمه
	ايطير وي جنح الطيور
يخلب الانظار نورك
	لو سطع نور عله نور
امتيم ابحبكم يعتره
	وحبكم افلاك وتدور
بالظلام الگمر شفتك
	يتلألىء بالشموعْ
من بعد لو شفنه گبتك
	يركُع الوجُد خُشوعْ

سيدي ويانور عيني
	ونته ضي العين كلهه
ونته مفتاح الشدايد
	ونته للمقفول حلهه
قصتك عبره ومناهج
	مدرسه وخالد اصلهه
اليقتفي ويمشي باثرهه
	يكسب الدنيه واملهه
وهاي ما تجزي وگفتك
	بإباءٍ لا خُضوعْ
من بعد لو شفنه گبتك
	يركُع الوجُد خُشوعْ

هنيئا لمن تمسك بالعروة الوثقى فكان من الفائزين

                  قصيدة ((حُبُّكُمْ يمحوا الذَنَوب))

حٌبٌّكُمْ يمحوا الذُنوبْ
وسعيدٌ مَنْ يَتُوبْ
كُل عهدٍ فيـــــــــهِ شِمرُ
أو دهاءٌ فيــــــــــهِ عَمرُ
وحسينٌ في القلوبْ

ابكلّ وكت حاضر شمرهه
	وكل وكت عدنه يزيد
وكل وكت ينجب نواصب
	والبغض ولّد عبيد
والعراق ايعيد طفّه
	والشهيد انجب شهيد
وما لگينه احسين ثاني
	احسين واحد ما يعيد

كُل يَومٍ فِيــــــــهِ هِندُ

تمخرُ الأكبــــــادَ حِقدُ

وشموعــاً لا تـــــذوبْ

وحسينٌ في القلـــــوبْ

من مشه بدربك يوالي
	سِنّة المصطفى ونهجه
ولا شفاعه بلايه حبكم
	واليضدكم جذب ينجه
سيدي ويانور عيني
	يا حبيبي وفده المهجه
ننتظر مِنّة رضاكم
	غير حبكم شنهي نرجه

ليسَ في الحُـــبِّ شَريك

فيكَ يـــا نِعمَ المَلَيــك

يا شفيعاً في الكُــــروبْ

وحسينٌ في القلــــوبْ

حبكم اشراع السفينه
	ايرفرف البر الامان
والعشكم جد طريقه
	يا سراط عله الجنان
للاله انتم وسيله
	وبرضاكم صك امان
انتم الربح الاكيد
	وفوز محسوم الرهان

نَحنُ أطْلَقنا النَشِيــــــدْ

حَيثُما كان الشهيــــــدْ

في شُروقٍ أو غــــروبْ

وحسينٌ في القلــــوبْ

انتم الشريان ينبض
	ونتم اكصار الضلوع
وليل ظلمه بلايه حبكم
	ماتضويهه الشموع
جارت الدنيه عليكم
	والصبر عدكم ادروع
سيدي ولوله المصيبه
	ما تمر بينه الدموع

فيــكَ نَفنيِ العُمـرَ عِشقـا

فيكَ نجري الدَمعَ دِفقــــا

فيكَ لا نَخشى في الخُطوبْ

وحسينٌ في القلـــــوبْ

التاب من ذنبه وهواكم
	عاش باحضان السعاده
بابكم باب الفضيله
	والكصد ياخذ امراده
بيكم الما سأل (أجراً)
	حُبّكم مجرى الشهاده
ويا سعيد الفاز بيهه
	وربك اليرحم عباده

كُل ليـلٍ يَجلــــو ليلِ

وسعيرُ الصبــرِ يغلــي

كُلَّما نَطـــوي  الدُروب

وحسينٌ في القلـــوبْ

 

       

        يوزع مجاناً